कुबेर शहिद होतील म्हणून …

माजहित विरोधी असता कामा नये.कुबेर यांची भूमिका तशी आहे.ती अर्धवट ज्ञानावर आधारलेली वगैरे तर अजिबात नाही . जाणीवपूर्वक घेतलेली असल्यानं ती अधिक धोकादायक आणि म्हणूनच आक्षेपार्हही  आहे.एखादी भूमिका सभ्य भाषेतही व्यक्त करता येते त्यासाठी समाजातील वंचित,उपेक्षित असलेल्या एका मोठ्या वर्गाला थेट बोगस ठरविण्याचा अधिकार कोणाला नाही. बळीराजा बोगस कसा असू शकतो याचा जाब कुबेरांना विचारलाच गेला पाहिजे.अशा भुमिकेचा प्रतिवाद हा व्हायलाच हवा तो झाला असेल तर संवेदनशीलतेचं लक्षण आहे. कुबेर यांच्या अग्रलेखाने समाजावर गंडातर वगैरे नक्कीच आलेलं नाही पण अशा प्रवृत्तींकडं दुर्लक्ष क़ेल्यानं ते नक्कीच येऊ शकतं.कारण वृत्तपत्रातील बातम्या,अग्रलेख आणि लेखांमुळे देशात दंगली  उसळल्याची अनेक दाखले  देता येतील.त्यातून समाजाचंही मोठं नुकसान झालेलं आहे. कुबेर शहिद होतील म्हणून त्याच्या समाजहितविरोधी भूमिकांकडं दुर्लक्ष होता कामा नये.नकारात्मक लिखाण करून कोणी शहिद होत नाही.म्हणून ते शहिद होतील असा बाऊ करीत कुबेरांना पाठिशी घालण्याचं कारण नाही.