साक़ी येथे पत्रकारावर हल्ला*
साक्री जि. धुळे : साक़ी तालुका पत्रकार संघाचे अध्यक्ष तथा सामाजिक चळवळीतील कार्यकर्ते कॉ. सुभाष काकुस्ते यांच्यावर काल दोन अज्ञात व्यक्तींनी घरात घुसून हल्ला केला, त्यांना जीवे मारण्याची धमकी दिली. या घटनेचा साक़ी तालुका पत्रकार संघाने निषेध केला आहे.. काल तालुक्यातील सर्व पत्रकारांनी एकजूट दाखवत पोलीस निरिक्षकांची भेट घेऊन आरोपींना तात्काळ अटक करावी अशी मागणी केली..
काकुस्ते हे पत्रकार आहेत आणि पुरोगामी चळवळीतील कार्यकर्ते अशीही त्यांची ओळख आहे.. सरकारने शेतकरयावर लादलेल्या तीन शेतकरी विरोधी कायद्याच्या विरोधातील देशव्यापी लढयात काकुस्ते सहभागी असतात.. काल ते आपल्या घरात असताना दोन अज्ञात व्यक्ती त्यांच्या घरात घुसल्या आणि त्यांना मारहाण केली.. किशोर ढमाले यांचा पत्ता दे अशी मागणी ते करीत होते..
पत्रकार हल्ला विरोधी कृती समिती तसेच अखिल भारतीय मराठी पत्रकार या हल्ल्याचा तीव़ शब्दात धिक्कार करीत असून हल्लेखोरांचा पोलिसांनी लगेच छडा लावावा अशी मागणी करीत आहे..
