परळी (प्रतिनिधी ) पीक विमा भरतांना शेतकर्यांवर लाठीचार्ज करणाऱ्या पोलिसांचा फोटो घेणाऱ्या पञकार मिलींद चोपडे यांना अमानुष मारहाण करणाऱ्या माजलगाव पोलिस स्टेशन चे पो. उपनिरिक्षक अंधारे व इतर पोलिस कर्मचार्यांवर कारवाई करण्याची मागणी परळी पञकार संघाच्या वतीने करण्यात आली आहे .
मिलिंद चोपडे हे दै. लोकाशाचे प्रतिनिधी आहेत . ते काल माजलगाव येथे जि. म. सह. बँकेत पीक विमा भरण्यासाठी गेले होते , या वेळी पोलिसांनी शेतकर्यांवार लाठीचार्ज सुरू केला . अनेक शेतकरी यात जख्मी झाले . या घटनेचा व्हिडिओ शुटींग करणाऱ्या पञकार मिलिंद चोपडे यांना पो.उप. नि. अंधारे,पो. कॉ. शिनगारे यांनी अमानुष मारहाण केली . एवढया वर न थांबता त्यांना पोलिस गाडीत कोंबले.गाडीत व पो. स्टेशन मध्ये आणुनही मारहाण केली .
या मारहाणीत चोपडे जख्मी झाले असुन या घटनेचा दोन्ही परळी पञकार संघाच्या ता. अध्यक्षानी , शहर अध्यक्षांनी , पदाधिकारी व शहरातील वर्तमान पत्रांचे संपादक तथा सर्व पत्रकार बांधवानी जाहीर निषेध केला असुन संबंधित पोलीस अधिकारी व पोलिस कर्मचारी विरूध्द पञकार संरक्षण कायद्याने कारवाईची करावी अशी मागणी केली आहे .
