अलिबागनजिकच्या भायमळा येथील एका फटाके बनविणाऱ्या फॅक्टरीत काल झालेलय स्फोट प्रकरणी कारखान्याचा मालक प्रितम आदिनाथ कांबळे यास पोयनाड पोलिसांनी आज अटक केली आहे. त्यांच्यावर अनेकांच्या मृत्यूस कारणीभूत झाल्याचा ठपका ठेवत 304 कलमान्वये गुन्हा दाखल करण्यात आला आहे.
कारखान्यात सुरक्षिततेच्या कोणत्याच उपाययोजना केल्या गेल्या नव्हत्या हे समोर आले आहे.आग कशामुळे लागली हे मात्र अजून स्पष्ट झालेले नाही.पोलिस कारणांचा तपास करीत आहेत.दरम्यान रायगडचे पालकमंत्री सुनील तटकरी आज दुपारी घटनास्थळास भेट देणार असल्याचे सरकारीयंत्रणेकडून सांगण्यात आले.
